وزیراعلیٰ پنجاب سردار عثمان بزدار نے ماضی کی معروف اداکارہ نیلو بیگم کے انتقال پر گہرے دکھ اور افسوس کا اظہار کیا ہے۔ وزیراعلیٰ نے مرحومہ کے بیٹے شان اور سوگوار اہل خانہ سے دلی ہمدردی اور تعزیت کا اظہار کیا ہے۔ وزیراعلیٰ عثمان بزدار نے نیلو بیگم کی فلمی شعبے میں خدمات کو خراج عقیدت پیش کرتے ہوئے کہا کہ نیلو بیگم فن اداکاری میں منفرد مقام رکھتی تھیں۔ ان کی یاد گار فلمیں آج بھی پرستار نہیں بھولے۔ مرحومہ نے لازوال کرداروں سے فلموں کو امر کیا۔ نیلو بیگم نے فلم ”زرقا“ میں جاندار اداکاری کی۔ نیلو بیگم کے انتقال سے فلم انڈسٹری کا ایک سنہری دور اختتام پذیر ہوا ہے۔ وزیراعلیٰ عثمان بزدار نے دعا کی کہ اللہ تعالیٰ مرحومہ کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔