کرونا کیسز، گورنمنٹ بوائز ہائی سکول پھلینہ دس روز کیلئے بند

کلر سیداں (نامہ نگار) گورنمنٹ بوائز ہائی سکول پھلینہ میں سمپلنگ کے نتیجے میں 14 طالب علموں کی رپورٹس مثبت  پر سکول کو دس یوم کیلئے بند کر دیا گیا۔ادھرگورنمنٹ گرلز ہائی سکول دوبیرن کلاں میں بھی تین خواتین ٹیچرز کورونا وائرس کی زد میں آ گئیں۔ہیڈ مسٹریس سعدیہ اختر نے بتایا کہ سکول کی12 خواتین ٹیچرز کی سمپلنگ ہوئی تھی جن میں سے تین خواتین ٹیچرز کی مثبت رپورٹس آئی ہیں۔ادھر ڈپٹی ایجوکیشن آفیسر کلر سیداں داؤد اختر کیانی نے بتایا بواہز ہائی سکول درکالی شیرشاہی میں بھی اساتذہ میں کرونا وائرس کی تشخیص ہوئی ہے