کراچی(اسپورٹس ڈیسک)پشاور زلمی کے کپتان وہاب ریاض کوویڈ آئسولیشن کے بعد فیلڈ میں آنے پر خوش ہیں۔ پشاور زلمی کی جانب سے اتوار کو جاری کردہ اعلامیہ میں وہاب ریاض نے کہا ہے کہ 7دن کمرے میں گزارنے کے بعد آج لگا کہ دنیا میں واپسی ہوئی ہے ، ٹیم نے پہلے میچ میں زبردست کامیابی حاصل کی ۔ انہوں نے کہا کہ شعیب ملک ، حسین طلعت ،عثمان قادر اور ٹیم نے اچھی کارکردگی دکھائی ، جہاں غلطیاں ہوئی انہیں آئندہ میچز میں بہتر کرنے کی کوشش کریں گے۔وہاب ریاض نے کہا کہ نوجوان پلیئرز کے پاس خود کو منوانے کا بہترین موقع ہے ۔