عمان،لیجنڈری لیگ ورلڈ جائنٹس  نے ایشیا لائنز کوہراکر جیت لی 

لاہور(سپورٹس رپورٹر)لیجنڈری کرکٹ لیگ ورلڈ جائنٹس نے ایشیا لائنز کو 25 رنز سے شکست دیکر جیت لی ،عمان میں کھیلے گئے فائنل میں ورلڈ جائنٹس نے پانچ وکٹوں پر 256 رنز بنائے۔ کوری اینڈرسن نے 8 چھکے اور 7 چوکے لگاکر 94 رنز کی ناٹ آوٹ اننگز کھیلی۔ کیون پیٹرسن نے 48 اور ڈیرن سیمی نے37 رنز بنائے۔ کلاسیکرا نے 3 کھلاڑیوں کو آئوٹ کیا۔ ایشیا لائنز کی ٹیم 8 وکٹوں پر 231 رنز بناسکی، محمد یوسف 39 رنز بناکر ناٹ آئوٹ رہے، جے سوریا نے 38 ، اپل تھرنگا اور دلشان نے 25،25 رنز بنائے۔ورلڈ جائنٹس نے میچ 25 رنز سے جیت کر ٹائٹل اپنے نام کرلیا۔