ملک کے بیشتر شہروں میں آج موسم سرد اورخشک رہے گا۔

محکمہ موسمیات کے مطابق اسلام آباد میں کم سے کم درجہ حرارت 2 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 45 فیصد تک رہنے کا امکان ہے۔صوبہ خیبرپختونخوا کے بیشتراضلاع میں موسم شدید سرد اور خشک رہے گا تاہم بالائی خیبر پختونخواہ ،گلگت بلتستان، کشمیر اور اس سے ملحقہ پہاڑی علاقوں میں چند مقامات پر بارش اور پہاڑوں پر ہلکی برفباری کا امکان ہے۔صوبہ پنجاب کے بیشتر اضلاع میں موسم سرد اور خشک جبکہ خطہ پوٹھوہار میں مطلع ابرآلود رہنے کے ساتھ مری ،جہلم اور ملحقہ علاقوں میں ہلکی بارش برفباری کا امکان ہے۔صوبہ سندھ کے بیشتر اضلاع میں موسم خشک اور سرد رہے گا. تاہم سکھر، لاڑکانہ ، خیرپور اور جیکب آباد میں رات اور صبح کے اوقات میں دھند کی توقع ہے۔گلگت بلتستان کشمیر اور ملحقہ پہاڑی علاقوں میں مطلع ابر آلود موسم شدید سرد رہے گا۔گلگت بلتستان میں چند مقامات پر ہلکی بارش اور برفباری ہوسکتی ہے۔

واضح رہے کہ  آج ریکارڈ کیے گئے کم ازکم درجہ حرارت میں لہہ منفی 12، استور منفی07، گوپس منفی 10، کالام منفی 11،اسکردومنفی 07، بگروٹ منفی 06، ہنزہ، دیر، پاراچنارمنفی04 اور مالم جبہ میں منفی 03 ڈگری سینٹی گریڈ ریکارڈ کیا گیا ہے۔