لاہور (سپورٹس رپورٹر) جناح پولو فیلڈز کے زیراہتمام تیسرا علامہ اقبال پولو ٹورنامنٹ کے ساتویں روز ایک میچ کھیلا گیا جس میں ریمنگٹن فارما کی ٹیم نے ایس کیو سی گولڈ پولو ٹیم کو 8-6 سے ہرا دیا۔ ریمنگٹن فارما کی طرف سے حمزہ مواز خان نے شاندار کھیل پیش کیا اور چھ خوبصورت گول سکور کئے ۔احمد زبیر بٹ نے دو گول سکور کئے ۔ہارنے والی ٹیم ایس کیو سی گولڈ پولو ٹیم کی طرف سے راجہ جلال ارسلان نے پانچ اور قاسم خان نے ایک گول سکور کیا۔ آج بروز منگل تین اہم میچز کھیلے جائیں گے۔ پوائنٹس ٹیبل میں پو ل اے میں ریمنگٹن فارما کی ٹیم دو کھیل کر دونوں جیت چکی ہے اور چار پوائنٹس ہیں۔ ایس کیو سی گولڈ پولو ٹیم نے تین میچز کھیلے دو جیتنے ایک ہارا اور چار پوائنٹس ہیں۔ چار کورپس کی ٹیم نے ایک کھیلا ہارا اور بی این کی ٹیم دونوں کھیل کر دونوں ہار چکی ہے۔ پول بی میں ڈائمنڈ پینٹس نے تینوں میچ جیت کر نو پوائنٹس حاصل کیے ہیں ماسٹر پینٹس /نیوایج کیبل نے تین میں سے دو جیت کر چار پوائنٹس، ایف جی دین پولو نے تین میں ایک جیت کر دو پوائنٹس، پلاٹینم ہومز /ماسٹر پینٹس کی ٹیم نے بھی تین کھیل کر ایک جیتا ہے اور دو پوائنٹس ہیں۔ انارا/بلیک ہارس پولو نے دو کھیلے اور دونوں ہارے ہیں۔