لاہور (سپورٹس رپورٹر) انٹرنیشنل کرکٹ کونسل کے ایلیٹ امپائر علیم ڈار کے بیٹے کے ولیمے کی تقریب لاہور میں منعقد ہوئی جس میں کرکٹ ٹیم کے کپتان بابر اعظم سمیت دیگر اعلی حکام نے شرکت کی۔کپتان بابر اعظم تقریب میں لوگوں کی توجہ کا مرکز رہے، شرکا ان کے ہمراہ تصاویر بنواتے رہے۔سابق کپتان اظہر علی اور کرکٹر عابد علی بھی تقریب میں شریک ہوئے۔سابق چیئرمین پی سی بی خالد محمود اور سابق منیجر اظہر زیدی نے بھی تقریب میں شرکت کی اور نوبیاہتا جوڑے کے لیے نیک تمناوں کا اظہار کیا۔