ڈائریکٹربی آئی ایس پی کے گھرسے امپورٹڈ گھڑیاں، زیورات اور دیگر اشیا چوری 

اسلام آباد (اپنے سٹاف رپورٹر سے )چوری اور سٹریٹ کرائم کی وارداتوں میں شہری لٹ گئے ،تھانہ آبپارہ کو روزی خان نے بتایا کہ میری والد کی جیب سے نقدی وکاغذات چوری کرلیے گئے ہیں کوہسار پولیس کو مسماۃ نبیلہ نے بتایا کہ میرے گھر کے تالے توڑ کر نقدی، 11تولہ وزنی طلائی زیورات، گھڑیاں اور دیگر اشیا چوری کرلی گئیں تھانہ کوہسار کے علاقے میں حسن سے موبائل، بے نظیر انکم سپورٹ کے ڈائریکٹر اختر سعید نے بتایا کہ مدعی کے گھر کے تالے توڑ کر امپورٹڈ گھڑیاں، زیورات اور دیگر اشیا چوری کرلی گئیں، ترنول کے علاقے میں خرم سے نقدی وکاغذات ، غضنفر ، مسلم خان سے موبائل ونقدی چھین لئے گئے، تھانہ سنگجانی کے علاقے میں یونس کے گھر سے نقدی وسامان چوری ہوگیا ،تھانہ کوہسار کے علاقے میں حارث،کراچی کمپنی کے علاقے میں فیاض،شالیمار کے علاقے میں لیاقت، تھانہ ترنول کے علاقے میں اشفاق، آئی ایریا کے علاقے میں عامر، عمار، احمد کے موٹر سائیکل چوری ہوگئے۔ شمس کالونی کے علاقے میں شیر جلات ،یاسر، شہزاد ٹاون کے علاقے میں عمران، کھنہ کے علاقے میں احمد، کھنہ کے علاقے میں خلیق، ذیشان،کورال کے علاقے میں سہیل کے موٹرسائیکل  بھی چوری کرلئے گئے تھانہ سنگجانی کے علاقے میں عمر کی کار چوری ہوگئی۔