ٹنڈوآدم(بیورو رپورٹ )ٹنڈوآدم کے قریب بیرانی روڈ پر مبینہ پولیس مقابلہ، ایک ملزم زخمی حالت میں گرفتار۔ تفصیلات کے مطابق ٹنڈوآم میں بی سیکشن تھانہ کی حدود میں بیرانی روڈ پر منشی گوٹھ کے قریب واردات کے ارادے سے چھپے ملزمان نے پولیس کی موبائل کو آتا دیکھ کر پولیس موبائل پر فائرنگ کردی جوابی کارروائی میں ایک ملزم غلام شبیر ولد غلام حسین رند زخمی حالت میں گرفتار کرکے تعلقہ اسپتال ٹنڈوآدم لایا گیا جہاں اسے فوری طبی امداد دی گئی۔ اس کے قبضے سے ایک پستول برآمد کرلیا گیا جبکہ اس کے 3 ساتھی موقع سے فرار ہو گیے۔ پولیس کے مطابق گرفتار ملزم جرائم پیشہ گروہ کا اہم سرغنہ ہے اور اس کے خلاف متعدد مقدمات درج ہیں۔