شہدادپور پولیس ٹریننگ کالج میں 173ویں پاسنگ آؤٹ 

شہدادپور( نامہ نگار)پولیس ٹریننگ کالیج شہدادپور میں 173ویں پاسنگ آؤٹ پریڈ کی رنگارنگ تقریب منعقد کی ،جس میں 47 خواتین سمیت 710 پولس جوانوں نے پاس آئوٹ کیا۔تفصیلات کے مطابق پولیس ٹریننگ کالج شہدادپور میں 173ویں پاسنگ آؤٹ پریڈ منعقد کی گئی جس میں 47 خواتین سمیت 710 پولیس جوانوں نے اپنے تربیتی کورسز مکمل کیے۔پاسنگ آؤٹ پریڈ کے مہمان خصوصی  اے آئی جی سندھ عبدالقادر قیوم و ڈی آئی جی ٹریننگ سندھ عبدالحمید کھوسہ تھے جنہوں نے پریڈ کا معائنہ کیا اور جوانوں کی تربیت کو سراہا،نمایاں کارکردگی دیکھانے والے جوانوں کو شیلڈ و سرٹیفکیٹ دیئے گئے ۔پاسنگ آؤٹ پریڈ سے خطاب کرتے ہوئے ایڈیشنل آئی جی سندھ جناب عبدالقادر قیوم کا کہنا تھا کہ  یہاں کالج کی تعمیر ترقی کیلئے تمام وسائل بروئے کار لائے جائیں گے تاکہ یہاں آنے والے جوان بہتر ماحول میں اپنی ٹریننگ مکمل کر سکیں، اس موقع پر علی شیر جاکھرانی پی ایس پی اس ایس پی پرنسپل پولیس ٹریننگ کالج شہدادپور کا خطاب کرتے کہنا تھا کہ ہمارے کالج میں ریکارڈ ترقیاتی کام کیئے گئے ہیں ہم سندھ پولیس کو جدید دور کے مطابق ٹریننگ کی سہولیات فراہم کررہے ہیں۔