گوجرانوالہ(نمائندہ خصوصی )گوجرانوالہ سے ٹرانسفر ہونیوالے سٹی پولیس آفیسر عمر سلامت کے اعزاز میں پولیس لائنز میں الوداعی تقریب کا اہتمام کیا گیا ،تقریب میں ایس ایس پی آپریشن، ایس ایس پی انویسٹی گیشن،ڈویژنل ایس پیز کے علاوہ ضلع بھر کے پولیس افسران اورسی پی او آفس سٹا ف نے شرکت کی اس موقع پر ایس ایس پی آپریشنز حسن افضل نے کہا کہ سٹی پولیس آفیسر عمر سلامت ایک فرض شناس، ایماندار اور منجھے ہوئے پولیس آفیسر اور فرشتہ صفت انسان ہیںڈویژنل ایس پیز نے انہیں زبردست خراج تحسین پیش کرتے ہوئے کہا کہ گوجرانوالہ کو کرائم فری سوسائٹی بنانے میں ان کی کوششیں لازوال ہیں۔ماتحتان اور افسروں کے ساتھ ان کا رویہ مثالی رہا۔اس موقع پر دیگر پولیس افسران اور انچارج برانچ نے بھی اپنے تاثرات کا اظہار کیااور کہا کہ ان کی خدمات کو ہمیشہ یاد رکھا جائے گا۔سی پی او عمرسلامت نے کہا کہ گوجرانوالہ کی پولیس اور شہری وفا شعار ہیں جنہوں نے گوجرانوالہ پوسٹنگ کے دوران کرائم کے خاتمہ اور امن و امان کے قیام میں بھر پور ساتھ دیا ، ا ختتام پر افسروں نے سی پی او گوجرانوالہ کو یادگاری شیلڈ،سوینیرز اور گلدستے پیش کیے۔