گوجرانوالہ(نمائندہ خصوصی )گوجرانوالہ ویسٹ مینجمنٹ کمپنی کا عملہ صفائی بارش کے دوران بھی شہر کو صاف ستھرا رکھنے میں مصروف عمل رہا، اندرون شہر کی سڑکوں، گلیوں کے علاوہ قومی شاہراہ، بائپاسز، مرکزی چوکوں چوراہوں کی مینول اور مکینیکل سویپنگ کی گئی۔ اندرون شہر میں سیوریج نالیوں(اوپن ڈرینز)کی خصوصی طور پر ڈی سلٹنگ کی گئی تاکہ بارش کے دوران گلیوں، بازاروں میں بارش پانی جمع نہ ہو۔ کمشنر گوجرانوالہ ڈویژن اور ڈپٹی کمشنر گوجرانوالہ کے احکامات پر چیف ایگزیکٹو آفیسر گوجرانوالہ ویسٹ مینجمنٹ کمپنی ڈاکٹر صفدر حسین نے گوجرانوالہ میں صاف سرسبز گوجرانوالہ صفائی مہم کا رواں ماہ آغاز کیا ۔