قائداعظمؒ  کے سیکرٹری کے ایچ خورشید کی اہلیہ لاہور میں انتقال کرگئیں‘نماز جنازہ آج 

مظفرآباد،عباس پور (نامہ نگاران) بانی قائد جموں کشمیر لبریشن لیگ‘قائد اعظم محمد علی جناح کے سیکرٹری کے ایچ خورشید کی اہلیہ بیگم ثریا خورشید لاہور میں انتقال کرگئیں۔ نمازِجنازہ آج بعد نماز ظہر خالد مسجد کیولری گراؤنڈ لاہو ر میں ادا کی جائیگی۔ مرحومہ ریٹائرڈجنرل منیجر پبلک ریلیشنز پی آئی اے مسز یاسمین ہارون  اور پروفیسر خرم خورشید آف کینیڈا کی والدہ‘ معروف صحافی خالد حسن ڈار، مسعود حسن ڈار‘ بریگیڈیئر بشیر احمد ڈار، کرنل سعید ڈار کی ہمشیرہ ، سنگر میکال حسن کی پھوپھی اور پاکستان کی ویمن کرکٹر ٹیم کی کپتان ندا ڈار کی تائی تھیں۔صدر آزادکشمیر بیرسٹر سلطان محمود چوہدری ‘ وزیراعظم آزادکشمیر چودھری انوارالحق، سپیکر اسمبلی چوہدری لطیف اکبر  ودیگرنے مرحومہ کی وفات پر گہرے دکھ کا اظہار کرتے ہوئے مرحومہ کی مغفرت  کیلئے دعا کی ا ور تحریک پاکستان اور تحریک آزادی کشمیر کیلئے   مرحومہ کی خدمات کو خراج عقیدت پیش کیا۔