لاہور ( کلچرل رپورٹر)الحمراء ادبی بیٹھک میں آڈیو ویڈیو انچار ج سلیم اختر کی مدت ملازمت مکمل ہونے پر تقریب کا انعقاد کیا گیا۔تقریب میں ایگزیکٹوڈائریکٹر الحمراء  طارق محمود چوہدری نے ڈائریکٹر عاصم چوہدری کے ہمراہ سلیم اختر کو مالا پہنائی اور انکی خدمات پر انہیں سوونیئر پیش کیا،تقریب میں موجود تمام افسران و ملازمین نے سلیم اختر کی الحمراء  میں 36سالہ سروسز کو کامیابی سے مکمل کرنے کا اعتراف کرتے ہوئے بھرپور تالیاں بجائیں اور ان کی آئندہ زندگی کے لئے نیک خواہشات کا اظہار کیا۔ڈپٹی ڈائریکٹر ایڈمن خرم نویل نے سلیم اختر کی تحسین کرتے ہوئے سنہری الفاظ میں اس کی کارکردگی کو سراہا۔