فائیو سائیڈ ہاکی ورلڈ کپ ‘پاکستان نے آسٹریلیا کو 11-3سے ہرا دیا 

لاہور(سپورٹس رپورٹر)ایف آئی ایچ فائیو سائیڈ ہاکی ورلڈ کپ میں پاکستان نے آسٹریلیا کو یکطرفہ مقابلہ میں 3-11 گول سے شکست دیدی۔ کپتان رانا عبدالوحید اشرف نے ہیٹ ٹرک سمیت پانچ گول کئے۔ عمان کے شہر مسقط میں جاری ایف آئی ایچ فائیو سائیڈ ہاکی ورلڈ کپ میں پاکستان نے 9ویں تا 12ویں رینکنگ میچ میں آسٹریلیا کو تین کے مقابلہ میں گیارہ گول سے شکست دیدی۔ پاکستان کی جانب سے کپتان عبدالوحید اشرف نے ہیٹ ٹرک سمیت پانچ جبکہ غضنفر علی ، زکریا حیات نے دو‘ دو گول، مرتضی یعقوب اور ارشد لیاقت نے ایک، ایک گول کیا۔پاکستان ایونٹ میں 9ویں اور 10ویں پوزیشن کا میچ آج ایک بج کر40 منٹ پر سوئیٹزرلینڈ اور نیوزی لینڈ میچ کی ونر ٹیم سے کھیلے گا۔