لاہور(سپورٹس رپورٹر)پاکستانی ٹینس کھلاڑی عقیل خان نے کہا ہے کہ بھارت کیخلاف کھیلنا دلچسپ ہوتا ہے لیکن دبائو بھی ہوتا ہے۔ بھارتی کھلاڑیوں سے ملاقات اکثر ہوتی رہتی ہے، 90 فیصد بھارتی کھلاڑیوں کی گیم کو جانتا ہوں۔ بھارت کو گراس کورٹ پر کھیلنے کا طریقہ آتا ہے، پاکستان کی سٹرینتھ بھی گراس کورٹ ہے، بھارت کیخلاف اپنی بہترین ٹینس کھیلیں گے۔ ڈیوس کپ کیلئے پریکٹس بھرپور کی ہے، کھیلتے ہوئے آرہے ہیں۔ بھارت کیخلاف ڈیوس کپ کے کم میچز کھیلے ہیں، 2006 میں ممبئی میں بھارت کیخلاف سنسنی خیز مقابلہ ہوا تھا۔