راولپنڈی(جنرل رپورٹر)سپیکر قومی اسمبلی راجہ پرویز اشرف نے کہا ہے کہ عبدالرحمن ویلفیئرفاؤنڈیشن جس طرح بھیرکلیال میں دکھی انسانیت کی خدمت کررہی ہے اسکی جتنی بھی تعریف کی جائے کم ہے میں چیئرمین راجہ اخلاق حسین کو مبارکباد پیش کرتاہوں کہ انہوں نے اپنے گاؤں بھیرکلیال کے عوام کو نہیں بھولا بہت کم وقت میں اس فاؤنڈیشن نے بہت سے ناممکن کام ممکن کرکے دکھادئیے ہیں پوری ٹیم کو خراج تحسین پیش کرتاہوں اور مجھ سے جو کچھ ممکن ہوسکا میں آپ لوگوں کے کسی کام آسکوں اس کیلئے میں حاضر ہوں ان خیالات کااظہارانہوں نے بھیرکلیال میں عبدالرحمن ویلفیئر فاؤنڈیشن آمد کے موقع پر فاؤنڈیشن کے عہدیداران ودیگر شرکا سے گفتگوکرتے ہوئے کیا، سپیکرقومی اسمبلی راجہ پرویز اشرف نے کہا کہ آپ کی فاؤنڈیشن کے بارے میں نے لوگوں سے بڑی تعریف سنی تھی اور یہاں آ کر جب علاقے کے معززین نے بتایا کہ بہت کم وقت میں اس فاؤنڈیشن نے بہت سارے کام کیے ہیں۔