نوشہرہ ورکاں : کوڑے کے ڈھیر  سے نومولود بچے کی نعش برآمد 

نوشہرہ ورکاں (نمائندہ نوائے وقت) کوڑے کے ڈھیر سے نومولود بچے کی نعش برآمد ،تفصیلات کے مطابق سٹی نوشہرہ ورکاں کے محلہ سمن آباد میں کاغذ چننے والے شخص نے کوڑے کے ڈھیر پر پڑی بوری کو الٹایا تو اس میں سے کپڑے میں لپٹی نومولود بچے کی نعش نکلی جسے ریسکیو 1122 کے عملہ نے تحصیل ہیڈکوارٹر ہسپتال منتقل کر دیا ،پولیس نے نعش پھینکنے والے ملزمان کی تلاش شروع کر دی ہے جبکہ عملہ میونسپل کمیٹی نے بچے کی نعش کو مقامی قبرستان میں دفنا دیا ۔