حافظ آباد(نمائندہ خصوصی+نمائندہ نوائے وقت) حافظ آباد کے مقامی میرج ہال میں محمدی دسترخوان لگایا گیا جس میں دینی مدارس کے طلبا واساتذہ کو سری پائے ،نان اور چائے سے ناشتہ کروایا گیا۔ دستر خوان کے آرگنائزر ایدھی حافظ آباد عبدالجبار رضا، محمد یٰسین سندھوتھے جبکہ مہمانان گرامی میں ممتاز عالم دین عطااللہ محمدی پی ایم صفدر کھرل ایڈوکیٹ ماہر تعلیم حافظ فاروق احمد بزمی شامل تھے۔ اس موقع پر آرگنائز ر عبدالجبار رضا، محمد یٰسین سندھوکا کہنا تھا کہ انہیں لوگوںکو کھانا کھلا کر دلی خوشی ہوتی ہے۔ انھوں نے تعاون کرنے پر محمود صادق دھوتھڑ، ناظمہ ارشد انصاری، رانا مقصود احمد نان والے، ریحانہ خان سابق کونسلر، جاویداقبال مغل ،شیخ رشید احمد ،ڈاکٹر محمد سلیم ،خالد پرویز،ثاقب رتو حاجی نادر خاکسارکا شکریہ اداکیا۔