حیدرآباد (آن لائن) حیدرآباد کے معروف مزاحیہ فنکار ابراہیم قریشی طویل علالت کے باعث انتقال کر گئے، انہیں مقامی قبرستان میں سپردخاک کر دیا گیا۔ ان کی نماز جنازہ اور تدفین میں بڑی تعداد میں سٹیج اور ٹی وی کے فنکاروں، دکانداروں، مرحوم کے عزیز ودوستوں نے شرکت کی۔ ابراہیم قریشی کافی عرصے سے کینسر کے مرض میں مبتلا تھے۔ انہوں نے پسماندگان میں چار بیٹے، تین بیٹیاں اور ایک بیوہ سوگوار چھوڑی ہیں۔ مرحوم ابراہیم قریشی 40 سالوں سے حیدرآباد سمیت ملک بھر میں ہونے والے سٹیج ڈراموں میں مزاحیہ کردار ادا کرتے رہے۔