سویڈش ٹینس ٹورنامنٹ کا سیمی فائنل کیرولین ووزنائیکی نے جیت لیا

سویڈن (سپورٹس ڈیسک ) سویڈن میں جاری ٹینس ٹورنامنٹ کا سیمی فائنل ڈنمارک کی کیرولین ووزنائیکی نے جیت لیا ہے۔ سویڈش ٹینس ٹورنامنٹ کا سیمی فائنل ڈنمارک کی کیرولین ووزنیاکی اور بیلجیئم کی ایلیسے مرٹنز ہوئیں مد مقابل ڈنمارک کی کھلاڑی نے پہلا سیٹ سنسنی خیز مقابلے کے بعد سات پانچ سے اپنے نام کیا۔مخالف پلیئر نے زبردست کم بیک کیا اور دوسرا سیٹ چھ چار سے جیت کر مقابلہ برابر کر دیا۔ تیسرے سیٹ میں ایک مرتبہ پھر کیرولین نے بیلجیئم کی پلیئر کیخلاف شاندار کھیل پیش کیا۔ انہوں نے چھ دو سے فیصلہ کن سیٹ جیت کر ایونٹ کے فائنل میں جگہ بنا لی ۔