اسلام آباد(صباح نیوز)قومی انٹر ڈیپارٹمنٹ کبڈی چیمپئن شپ2 اگست سے لیاقت جمازیم اسلام آباد میں شروع ہوگی۔ پاکستان کبڈی فیڈریشن کے سیکرٹری جنرل رانا محمد سرور نے بتایا کہ چیمپئن سپ ایشین سٹائل کے مطابق کھیلی جائے گی جس میں8 ٹیمیں شرکت کرینگی۔چیمپئن شپ میں شرکت کرنے والی ٹیموں میں پاکستان آرمی، پاکستان نیوی، پاکستان ایئر فورس(پی اے ایف)، پاکستان واپڈا، پاکستان پولیس، پاکستان ریلوے، سوئی ناردرن گیس پائپ لائن(ایس این جی پی ایل)اور ہار ایجوکیشن کمیشن(ایچ ای سی )شامل ہیں۔انہوں نے کہا کہ ان ٹیموں کو دو گروپس میں تقسیم کیا جائیگا اور ہر گروپ سے دو، دو ٹیمیں سیمی فائنل کے لئے کوالیفائی کرینگی۔ سیمی فائنل5 اگست کو جبکہ فائنل6 اگست کو کھیلا جائیگا۔