جامعہ سراجیہ نعیمیہ میں تعلیمی سیشن کیلئے داخلوں کا آغاز آج سے ہو گا

لاہور (خصوصی نامہ نگار) جامعہ نعیمیہ کے شعبہ خواتین کے زیر انتظام جامعہ سراجیہ نعیمیہ مغلپورہ میں سالانہ نئے تعلیمی سیشن 2018-19 کیلئے داخلوں کاآغاز آج سے ہوگا، امسال درس نظامی(عالم کورس) تجوید وقرأت، لسانیات، کمپیوٹ رسائنسز، مقالہ نویسی، نعت خوانی اورشعبہ علوم عصریہ، کڑائی سلائی، امور خانہ سمیت مختلف16شعبہ جات میں داخلے ہوں گے۔ جامعہ نعیمیہ کے ترجمان کے مطابق طالبات کے تعلیمی اخراجات کیساتھ ساتھ اعلیٰ رہائش، معیاری کھانا، طبی سہولیات اوردیگر بنیادی ضروریات ادارے کی طرف سے مفت فراہم کی جائیں گی۔ جامعہ سراجیہ نعیمیہ میںطالبات کے داخلہ کیلئے خواہشمند والدین صبح8سے لیکر شام6بجے تک (0423-6822844) پرمعلومات کیلئے رابطہ کر سکتے ہیں نئے تعلیمی سال کیلئے داخلے کے خواہش مند بچیوں کے والدین آج سے داخلہ فارم مرکزی دفترجامعہ سراجیہ نعیمیہ مغلپورہ سے حاصل کرسکتے ہیں۔