6 روزہ انٹرنیشنل باسکٹ بال کوچنگ کورس اگلے ہفتے لاہور میں ہوگا

لاہور(سپورٹس رپورٹر+نمائندہ سپورٹس ) پاکستان باسکٹ بال فیڈریشن، سپورٹس بورڈ پنجاب اور پیک کے تعاون سے لاہور میں چھ روزہ انٹرنیشنل باسکٹ بال کوچنگ کورس اگلے ہفتے لاہور میں منعقد ہوگا۔ کوچنگ کورس 6 سے 11 اگست تک نشتر سپورٹس کمپلیکس لاہور میں منعقد ہوگا۔ کوچنگ کورس میں 21 سال سے کم عمر کے کھلاڑی حصہ لے سکیں گے جنہیں غیر ملکی کوچز تربیت دینگے۔ پاکستان باسکٹ بال فیڈریشن کے سیکرٹری خالد بشیر کے مطابق کوچنگ کورس میں شرکت کرنے والے کھلاڑیوں پر لازمی ہوگا کہ وہ کورس میں شرکت کے وقت اپنا اصل شناختی کارڈ اور ب فارم ساتھ لائیں۔