فیروزوالہ عملہ صفائی کی عدم توجہی صفائی ستھرائی کانظام متاثر ہوکررہ گیا

فیروزوالہ (نامہ نگار )میونسپل کمیٹی فیروزوالہ کے عملہ صفائی کی عدم توجہی کے باعث صفائی ستھرائی کا نظام متاثر ہو کر رہ گیا ہے تو دوسری طرف حالیہ بارشوں کے باعث سیوریج سسٹم کے نقائص کھل کر سامنے آگئے ہیں رچنا ٹاون ،پیپلز کالونی ، فیروزوالہ ،امامیہ کالونی ، جی ٹی روڈ کے علاوہ محلے گلیاں اور بازار جوہر بن گئے ہیں بعض علاقوں میں تو شہری گھروں میں محصور ہوگئے ہیں عملہ سینٹی ورکرز شکایات کے باوجود سائلین کو مشینری اور سٹاف کی ناکافی سہولیات کا بہانا بنا کرٹرخا دیتا ہے ، ذرائع کے مطابق افسران اور اہلکاراپنی من مانیاں ان کا وطیرہ بن چکا ہے شہری حلقوں نے متعلقہ اعلیٰ حکام سے فوری نوٹس لینے اور عملہ صفائی کا قبلہ درست کرنے سمیت افسران اور دیگر عملے کے خلاف کاروائی کرنے کا مطالبہ کیا ہے۔