لاہور(سپورٹس رپورٹر +نمائندہ سپورٹس)قومی ٹیم ایشین انڈر23 والی بال چیمپئن شپ میں شرکت کیلئے آج میانمار روانہ ہوگی۔ چیمپئن شپ 3 سے 11 اگست تک کھیلی جائیگی ۔گروپ اے میں میانمار، سری لنکا، آسٹریلیا‘ہانگ کانگ، گروپ بی میں جاپان، قازقستان، سعودی عرب‘ ویت نام، گروپ سی میں تائیوان، پاکستان ، قطر‘ بحرین جبکہ گروپ ڈی میں تھائی لینڈ، چین، بھارت‘ نیوزی لینڈ شامل ہیں۔ پاکستان پہلا میچ 3 اگست کو قطر دوسرا 4 کو بحرین جبکہ تیسرا میچ 5 کو تائیوان کیخلاف کھیلے گا۔ کپتان فہد رضا دیگر کھلاڑیوں میں محمد وسیم، عبداللہ، مراد خان، علی حیدر، احمد نذیر، محمد حماد، زرناب خان، انور خان، عدنان خان، حامد زمان، محمد یاسین، ندیم خان، عثمان فریاد علی شامل ہیں۔