سنڈے کر کٹ سیریزکا پہلا میچ ہارجیت کے بغیر ختم

کراچی(اسپورٹس رپورٹر)اکبر اکیڈمی اور بوتھم اکیڈمی کے مابین سنڈے کر کٹ سیریز کا پہلا میچ ہار جیت کے فیصلے کے بغیر ختم ہوگیا ، بوتھم اکیڈمی نے پہلی اننگ میں تمام وکٹوں کے نقصان پر 214رنز اسکورز بنائے،عمیر52اورآرسلان نے32رنز اسکورز بنائے، عبدل حکیم نے پانچ اور عزیر اکبر تین کھلاڑیوں کو آؤٹ کیا، جواب میں اکبر اکیڈمی پہلی اننگ میں 188رنز بناکر آؤٹ ہوگئی،26 رنزکی بر تری کے ساتھ بوتھم اکیڈمی نے دوسری اننگ کا آغاز کیا اور 289 رنز اسکورز بنائے مجموعی طور سے 315رنز کی بر تری حاصل کر لی، میچ کے آخری روز اکبر اکیڈمی کو میچ جیتنے کے لئے 315رنز کا ٹارگٹ ملا تیسرے روز کے اختتام پر اکبر اکیڈمی دوسری اننگ میں 200رنز تین وکٹوں کے نقصان پر بنا سکی ۔