کراچی: سی ٹی ڈی کی کارروائی: ایم کیو ایم لندن کے 2 ٹارگٹ کلرز گرفتار

کراچی (نوائے وقت رپورٹ) سی ٹی ڈی نے کراچی میں کارروائی کر کے دو ٹارگٹ کلرز گرفتار کر لئے۔ پولیس کے مطابق ملزمان کا تعلق ایم کیو ایم لندن سے ہے۔ سی ٹی ڈی حکام کا کہنا ہے کہ ملزمان کے نام فیصل علی اور نظام الدین ہیں۔ ملزمان ایم کیو ایم پاک کالونی سیکٹر کی ٹارگٹ کلنگ ٹیم کا حصہ ہیں اور کراچی میں ٹارگٹ کلنگ کی نئی ٹیمیں تشکیل دے رہے تھے۔ ملزمان کو ڈسٹرکٹ ویسٹ کے علاقے سے گرفتار کیا گیا۔ دونوں ٹارگٹ کلر اسلحے کی ترسیل، بھتہ خوری اور سنگین وارداتوں میں ملوث ہیں۔ دو پستول اور گولیاں برآمد کر لی گئیں۔