کورونا وائرس کیخلاف برسر پیکار ڈاکٹرز اور طبی عملہ کو خراج تحسین

محراب پور(نامہ نگار)موٹروے پولیس کی جانب سے کورونا وائرس کیخلاف برسر پیکار ڈاکٹرز اور طبی عملہ کو خراج تحسین پیش کرنے کیلئے خصوصی تقریب ضلعی صحت آفس نواب شاہ میں ہوئی،اس موقع پر فرنٹ لائن ہیروز کو سیکٹرکمانڈر سجاد حسین بھٹی کی قیادت میںڈی ایس پی سید خاور معین،انسپکٹر عظیم خان زرداری،انسپکٹر اسد منیر،انسپکٹر محمد علی پنہور، سب انسپکٹر نوید علی لاکھو سمیت موٹر وے پولیس کے افسران کے چاک و چوبند دستے نے سلامی دی،سیکٹر کمانڈر موٹروے پولیس سجاد حسین بھٹی کا کہنا تھا کہ ڈاکٹروں کو خراج تحسین پیش کرنے کا مقصد ان کو یقین دلانا ہے کی وہ کورونا وائرس کیخلاف جنگ میں اکیلے نہیں بلکہ پوری قوم ان کیساتھ ہے اس موقع پرپی ایم سی کی ڈاکٹر سعیدہ بلوچ،ڈاکٹر معین شیخ،ڈاکٹر دولت جمالی سمیت دیگرڈاکٹر اور طبی عملہ نے سہراہا اوراس عزم کا اظہار کیا ہے کہ وہ کورونا وائرس کے خاتمے کیلئے آخری دم تک لڑیں گے اور عوام کی خدمت کا سلسلہ جاری رہے گا،آخر میں ڈاکٹر آصف رضا بروہی،ڈاکٹر سعیدہ بلوچ،ڈاکٹر معین شیخ،ڈاکٹر دولت جمالی اور دیگر ڈاکٹرز کو اعزازی شیلڈ،اسناد اور گلدستے پیش کیے۔