اعظم کاشف کی تعیناتی پر ایپکا یونائیٹڈ گروپ و دےگر تنظےموں کا اظہار اطمےنان، بھرپوراستقبال کرنے کا اعلان

راولپنڈی (جنرل رپورٹر)محکمہ ایجوکیشن راولپنڈی میں سی ای او کی پوسٹ پر گریڈ انیس کے سینئر آفیسر اعظم کاشف کی تعیناتی پر ایپکا یونائیٹڈ گروپ، پی ٹی یو چوہدری یاسین گروپ اورآل پاکستان پرائیویٹ سکولز مینجمنٹ ایسوسی ایشن نے اطمینان کا اظہار کرتے ہوئے اعلان کیاہے کہ ان کا بھرپوراستقبال کیاجائے گا،گذشتہ روز ایپکایونائیٹڈ گروپ کے ڈویژنل جنرل سیکرٹری واجد عباسی اورچیف الیکشن کمشنر عبدال حسیب قریشی کی سربراہی میں اجلاس ہوا جس میں ایپکا کے ڈویژنل صدر چوہدری وحید مراد، پی ٹی یویاسین گروپ کے صدر چوہدری یاسین،پی ٹی یو فی میل ونگ ضلعی نائب صدرامیر بیگم چوہدری و دیگر نے شرکت کی۔