تھانہ کھرڑیانوالہ کا چوتھا ایس ایچ او دل کی تکلیف کے باعث ہسپتال منتقل

فیصل آباد (نمائندہ خصوصی) تھانہ کھرڑیانوالہ اپنے ایس ایچ اوز پر بھاری ہو گیا۔ گزشتہ روز چوتھا ایس ایچ او بھی دل کی تکلیف میں مبتلا ہو کر ہسپتال پہنچ گیا۔ تفصیل کے مطابق تھانہ کھرڑیانوالہ پچھلے کچھ عرصہ سے فیصل آباد پولیس پر بھاری ثابت ہو رہا ہے۔ تھانہ میں تعینات ہونے والا چوتھا ایس ایچ او دل کی تکلیف کے باعث ہسپتال منتقل کر دیا گیا۔ اس سے قبل تھانہ کھرڑیانوالہ میں بطور ایس ایچ اوز تعینات رہنے والے راشد محمود، علی اکرام گورایہ اور یوسف شہزاد بھی ہسپتال داخل رہ چکے ہیں۔
تھانیدار ہسپتال منتقل