انگلینڈ ٹیم کے فاسٹ بائولرسٹورٹ براڈکا ریٹائرمنٹ کا اعلا ن

 لاہور(سپورٹس ڈیسک ) انگلینڈ ٹیم کے فاسٹ بائولرسٹورٹ براڈ نے کرکٹ کے ہر فارمیٹ سے ریٹائرمنٹ کا اعلان کر دیا۔انہوںنے اعلان کرتے ہوئے کہا کہ ایشزسیریزکا پانچواں ٹیسٹ ان کے کیریئر کا آخری میچ ہوگا۔سٹورٹ براڈ نے اوول میں کھیلے جا رہے ٹیسٹ کے دوسرے روز کھیل کے اختتام کے بعد کرکٹ سے ریٹائرمنٹ کا فیصلہ کیا۔ انہوں نے ٹیسٹ میں اب تک 602 وکٹیں حاصل کررکھی ہیں اوراپنا 167 واں ٹیسٹ میچ اس وقت آسٹریلیا کیخلاف کھیل رہے ہیں۔براڈ 121 ون ڈے اور 56ٹی20میچز بھی کھیل چکے ہیں جن میں بالترتیب 178 اور65 وکٹیں حاصل کیں۔براڈ نے ٹیسٹ میں سب سے زیادہ 169 رنز بھی بنا رکھے ہیں۔ وہ ٹیسٹ کی تاریخ میں پانچویں سب سے زیادہ وکٹیں لینے والے بائولر بھی ہیں۔