ایشین انڈر16 والی بال ‘پاکستان تیسری پوزیشن حاصل نہ کرسکا

 لاہور (سپورٹس رپورٹر)ایشین انڈر16 والی بال چیمپئن شپ میں پاکستان تیسری پوزیشن حاصل نہ کرسکا، چائنیز تائپے کامیاب رہا۔ ایشین انڈر16 والی بال چیمپئن شپ کے تیسری پوزشین کے میچ میں پاکستان اور چائنیز تائپے کے درمیان دلچسپ مقابلہ ہوا۔پہلے سیٹ میں چائنیز تائپے نے 13-25 سے کامیابی حاصل کی جبکہ پاکستان نے دوسرا سیٹ 18-25 سے جیت کر مقابلہ ایک ایک سے برابر کیا۔دونوں ٹیموں کے درمیان تیسرا اور چوتھا گیم سنسی خیز رہا۔ تائیوان کی ٹیم نے 23-25 اور 22-25 سے سیٹ جیت کر ایونٹ میں تیسری پوزیشن حاصل کی۔شکست کے بعد پاکستان ٹیم اگلے سال ہونیوالے انڈر17 ورلڈ کپ کیلئے کوالیفائی نہ کرسکی۔