سٹریٹ چائلڈ ناروے فٹبال کپ ‘پاکستان نے فرگ اوسلوکلب کو شکست دیدی

لاہور(سپورٹس رپورٹر)ناروے کپ فٹبال میں پاکستان اسٹریٹ چائلڈ فٹبال ٹیم نے فاتحانہ ا?غاز کرتے ہوئے ناروے کے فرگ اوسلو فٹبال کلب کو 1-11 سے شکست دیدی۔نارورے کپ میں پاکستان سٹریٹ چائلڈ فٹبال ٹیم بطور مسلم ہینڈز فٹبال کلب شریک ہے اور انڈر 17 کیٹیگری میں پاکستان نے پہلے میچ میں ناروے کے فریگ اوسلو کلب کو شکست دی۔پاکستان ٹیم شروع ہی سے میچ میں چھائی رہی،  پاکستان نے چھٹے منٹ میں کھاتہ کھولا اور اس کے بعد گولز کرنے کا سلسلہ جاری رکھا، پہلے ہاف میں 6 اور دوسرے ہاف میں مزید 5 گول کیے۔ ٹیم انتظامیہ کے مطابق پاکستان کے احمد رضا نے چار جبکہ فیصل احمد نے دو گول کیے اور طفیل شنواری، عبید اللہ، محمد علی اور علی آصف نے ایک، ایک گول کیا۔واضح رہے ناروے کپ میں پاکستان سٹریٹ چائلڈ فٹبال ٹیم دوسرا میچ پیر کو ارول ال کلب کے خلاف کھیلے گی۔