لاہور(سپورٹس رپورٹر ) قومی ٹیم کے کپتان بابر اعظم کے ایک ننھے بھارتی مداح کی ویڈیو سوشل میڈیا پر وائرل ہے جس میں بھارتی بچے نے بہترین بیٹر کے طور پر ویرات کے بجائے بابر اعظم کا انتخاب کیا۔ ننھے مداح سے دنیا کے بہترین بیٹڑ سے متعلق سوال کیا گیا تو بچے نے بابر اعظم کا نام لیا۔ بھارتی مداح کا کہنا تھا کہ بابر اعظم ان کے نزدیک دنیا کے بہترین بیٹر ہیں، وہ واقعی سب سے بہترین ہیں۔ بچے کے جواب پر عرفان پٹھان نے بچے کو حیرت سے دیکھا اور پھر بچے کو بھارت کے سابق کپتان ویرات کوہلی کا یاد دلاتے ہوئے کہا کہ بابر اعظم نمبر ون کیوں؟ ویرات کوہلی نمبر ون کیوں نہیں؟ ننھے بھارتی مداح کا کہنا تھا کیونکہ بابردنیا کے بہترین بیٹر ہیں، بھارتی بچے کے جواب نے عرفان پٹھان کو بھی لاجواب کر دیا۔