ٹی ٹونٹی ورلڈ کپ 2024 ئ‘ 4 سے 30 جون تک کھیلا جائیگا

لاہور(سپورٹس رپورٹر)آئی سی سی نے ٹی ٹونٹی ورلڈ کپ 2024ء کی تاریخیں فائنل کرلیں، ذرائع کے مطابق اگلے سال ٹی ٹونٹی ورلڈ کپ 4 سے 30 جون تک ویسٹ انڈیز اور امریکہ میں ہوگا۔ آئی سی سی نے امریکہ اور ویسٹ انڈیز کے 10 وینیوز کو شارٹ لسٹ کرلیا ہے، ایونٹ میں 20 ٹیمیں حصہ لیں گی۔امریکہ میں فلوریڈا، ڈیلیس، نیویارک اور موریس ول میں ورلڈ کپ میچز ہوں گے۔موریس ول، ڈیلیس اور نیویارک کو تاحال انٹرنیشل کرکٹ وینیو کا درجہ حاصل نہیں ۔ آئی سی سی امریکہ اور ویسٹ انڈیز بورڈ کی مشاورت سے وینیوز فائنل کریگا، پہلے سے مختلف فارمیٹ ہوگا، پہلے راؤنڈ میں ٹیموں کو پانچ، پانچ کے چار گروپس میں تقسیم کیا جائیگا۔ہر گروپ کی دو ٹاپ ٹیمیں سپر 8 راؤنڈ کیلئے 2 گروپس میں تقسیم کی جائیں گی، سپر 8 کے دونوں گروپس کی دو ، دو ٹاپ ٹیمیں سیمی فائنل کیلئے کوالیفائی کریں گی۔