مریدکے + فیروز والہ+خوشاب (نامہ نگار+نوائے وقت رپورٹ) مریدکے جی ٹی روڈ پر کار اور ٹرک کی ٹکر سے خاتون اور ایک مرد جاں بحق ہو گئے۔ دونوں سڑک کراس کرتے کار اور ٹرک کی زد میں آئے۔ دونوں کی پہچان نہ ہو سکی۔ پولیس نے تفتیش شروع کر دی ہے۔ جی ٹی روڈ کی آبادی ٹول  پلازہ رانا ٹاؤن کے قریب ٹریکٹر ٹرالی اور رکشے کے درمیان تصادم  کے نتیجہ میں رکشہ سوار سات سالہ لڑکے شہر یار سمیت دو افراد ہلاک ہو گئے جبکہ تین افراد زخمی ہو گئے جن کو طبی امداد کے لیے ہسپتال داخل کرا دیا گیا۔ ہلاک ہونے والی خاتون کی شناخت نہ ہو سکی۔ خوشاب میں تھانہ کٹھ سگھرال کے قریب گاڑی کھائی میں جا گری۔ حادثے میں دو افراد جاں بحق اور تین زخمی ہو گئے۔