لاہور(سپورٹس رپورٹر)پاکستان سٹریٹ چائلڈ فٹبال ٹیم نے ناروے کپ کے پلے آف مرحلے میں جگہ بنالی۔پاکستان سٹریٹ چائلڈ فٹبال ٹیم نے تیسرے میچ میں ناروے کے اوسٹیسی کلب کو تین۔ایک سے شکست دی، قومی ٹیم گروپ میچز میں ناقابل شکست رہی اور فتوحات کی ہیٹ ٹرک کرلی۔اوسٹیسی کلب کے خلاف میچ میں پاکستان سٹریٹ چائلڈ فٹبال ٹیم کے محمد عدیل اور شاہد انجم نے گول  کیے۔ناروے میں پاکستانی کمیونٹی کا میچ جیتنے کے بعد جشن منایا۔قومی سٹریٹ چائلڈ فٹبال ٹیم کے کپتان محمد عدیل کا کہنا تھا کہ ہم نے بھرپور پریکٹس کی ہوئی ہے اور نئی تکنیک بھی سیکھی ہے، انشاء اللہ پلے آف مرحلے میں بھی میچ جیتیں گے، کھلاڑیوں کے حوصلے بلند ہیں۔ٹیم یکم اگست کو اپنا پہلا پلے آف میچ کھیلے گی۔