کوئٹہ ‘پشاور‘کوٹری (نوائے وقت رپورٹ ‘این این آئی)پشین میں لیویز چیک پوسٹ پرنامعلوم افراد کی فائرنگ سے 2اہلکار شہید ہوگئے۔ تھانہ متھرا چوکی باڑہ پل پشاور پر شرپسندوں نے دستی بم سے حملہ کیا۔پولیس کے مطابق چوکی کی دیوار میںدھماکے سے متاثر ہوئی۔کوئی جانی نقصان نہیں ہوا۔ علاقے میں سرچ آپریشن شروع کردیا گیا۔ کوٹری کے سائٹ ایریا میں کاؤنٹر ٹیررازم ڈیپارٹمنٹ (سی ٹی ڈی) اور دہشت گردوں کے درمیان مقابلے میں 2 دہشت گردوں کو زخمی حالت میں گرفتار کرلیا گیا جبکہ ایک دہشت گرد فرار ہوگیا۔سندھ کے شہر جامشورو میں کوٹری کے سائٹ ایریا میں سی ٹی ڈی کی جانب سے کارروائی کی گئی، اس دوران پولیس موبائل پر فائرنگ سے سی ٹی ڈی انچارج آصف حیات معجزانہ طور پر محفوظ رہے۔پولیس کے مطابق گرفتار دہشت گردوں کے قبضے سے دستی بم اور بارودی مواد برآمد کیا گیا ہے۔