حافظ آباد:ڈمپر نہ روکنے پرفائرنگ‘ڈرائیور  جاں بحق‘ خیرپور مقابلہ‘ 3ڈاکو ہلاک

لاہور‘ خیر پور‘حافظ آباد(نامہ نگار‘نمائندہ نوائے وقت)ڈیفنس سی  اور خیرپور میں مبینہ پولیس مقابلوں میں تین ڈاکوہلاک‘ 2ڈاکو زخمی حالت میں گرفتار اور حافظ آباد میں ڈمپر نہ روکنے پر ڈاکوئوں نے فائرنگ کرکے ڈرائیور کوہلاک کردیا ۔ ڈیفنس ‘پولیس نے موٹر سایکل پر سوار تین افراد کو مشکوک جانتے ہوئے رکنے کا اشارہ کیا۔پولیس کو دیکھتے ہی انہوں نے پولیس پرفائرنگ کردی ۔پولیس نے ڈاکوؤں کا تعاقب کیا‘فائرنگ رکنے پر 2ڈاکو جو اپنے ساتھی کی فائرنگ سے زخمی ہوئے تھے ‘انہیں زخمی حالت میں گرفتار کر لیا گیا۔خیر پور ٹامیوالی کے قریب مبینہ پولیس مقابلے میں تین ڈاکو ہلاک ہوگئے‘ پولیس کے مطابق پولیس موبائل پرفائرنگ کی اہلکاروں کی جوابی فائرنگ سے تینوں مارے گئے۔حافظ آباد میںلاہور روڈ پر پل کٹیانوالی کے قریب تین ڈاکوئوں نے ڈمپر کو نہ روکنے پر اندھا دھند فائرنگ کرکے ڈرائیو کو ہلاک کردیا جس کے بعد ڈاکو فرار ہوگئے۔ ڈمپر جوہر آباد سے لاہور جارہاتھا۔