راولپنڈی(جنرل رپورٹر)موجودہ حکومت عوام کی فلاح و بہبود کے علاوہ کھیلوں کے فروغ میں اپنی تمام تر صلاحیتوں کو بروے کار لاتے ہوئے نئے سٹیڈیم اور گرائونڈ تعمیر کر رہی ہے ۔ان خیالات کا اظہار ممبر قومی اسمبلی حنیف عباسی نے ضلع راولپنڈی سکول ایجوکیشن ڈیپارٹمنٹ کے زیر اہتمام  شہناز شیخ ہاکی اسٹیڈیم راولپنڈی میں شروع ہونے والے آزادی کپ ہاکی لیگ کی رنگا رنگ افتتاحی تقریب سے مہمان خصوصی خطاب کرتے ہوئے کیا ہے۔  تقریب میں ڈاکٹر زنیرہ آفتاب ایڈیشنل ڈپٹی کمشنر ہیڈ کوارٹر ، ممبر صوبائی اسمبلی اسماعباسی، سی ای او ڈسٹرکٹ ایجوکیشن اتھارٹی ضلع راولپنڈی محمد یاسین خان بلوچ،عدنان نثار ، ڈی ای اوز ڈپٹی ڈی ای اوز۔اے ای او ز۔ڈسٹرکٹ سپورٹس افیسر راولپنڈی شمس توحید  نے شرکت کی۔