گوجرانوالہ (نمائندہ خصوصی) فلاح انسانیت فاﺅ نڈیشن گوجرانوالہ کے زیر اہتمام کامونکی میں فری آئی کیمپ کا انعقاد ،276مریضوں کافری چیک اپ، مفت ادویات اور عینکیں فراہم کی گئیں۔ گزشتہ روز فلاح انسانیت فاﺅ نڈیشن گوجرانوالہ کیطرف سے فیض مدینہ بازار سٹی کامونکی میں ایک روزہ فری آئی کیمپ کا انعقاد کیا گیا ۔جہاں اہلِ علاقہ کی ایک بڑی تعداد جس میں بالخصوص بزرگ مرد وخواتین شامل تھے ، شرکت کی۔ کیمپ پر ڈیوٹی کے فرائض ڈاکٹر خالد داﺅداور ڈاکٹر اقبال کے ہمراہ 5رُکنی آئی پیرامیڈیکل ٹیم نے ادا کئے۔ العزیزآئی ہسپتال مرکز طیبہ مریدکے سے میڈیکل ٹیم ہذا نے اپنی خدمات فی سبیل اللہ مکمل طور پر مفت سرانجام دیں۔