لاہور (این این آئی) فیصل بنک سپرایٹ ٹی ٹونٹی کرکٹ ٹورنامنٹ کے دوران بیٹنگ میں فیصل آباد وولوز کے کپتان مصباح الحق نے سب سے زیادہ رنز بنائے۔ انہوں نے 4 میچوں کی 4 اننگز میں 84 کی وسط سے 9 چھکوں اور 10 چوکوں کی مدد سے 168 رنز بنائے جن میں ایک نصف سنچری شامل ہے۔ وہ دو مرتبہ ناٹ آ¶ٹ رہے۔ ان کا زیادہ سے زیادہ انفرادی سکور 85 رنز ناٹ آ¶ٹ ہے۔ دوسرے نمبر پر لاہور لائنز کے ناصر جمشید نے 4 میچوں کی 4 اننگز میں 50 کی اوسط سے 2 چھکوں اور 18 چوکوں کی مدد سے 150 رنز بنائے جن میں ایک نصف سنچری شامل ہے۔ وہ ایک مرتبہ ناٹ آ¶ٹ رہے۔ ان کا زیادہ سے زیادہ انفرادی سکور 71 رنز ناٹ آ¶ٹ ہے۔ تیسرے نمبر پر لاہور لائنز کے کپتان محمد حفیظ نے 4 میچوں کی 4 اننگز میں 72.50 کی اوسط سے 4 چھکوں اور 20 چوکوں کی مدد سے 145 رنز بنائے جن میں ایک سنچری شامل ہے۔ وہ دو مرتبہ ناٹ آ¶ٹ رہے۔ ان کا زیادہ سے زیادہ انفرادی سکور 102 رنز ناٹ آ¶ٹ ہے۔