گورنمنٹ کالج یونیورسٹی میں اردو کھیل ”شاہ عالم“ پیش کیا گیا

لاہور (سٹاف رپورٹر) گورنمنٹ کالج یونیورسٹی لاہور کے ڈرامیٹکس کلب نے گذشتہ روز سالانہ اردو کھیل ”شاہ عالم“ پیش کیا جس سے اساتذہ، طلباءاور اولڈ راوینز کی جانب سے بے حد پذیرائی حاصل ہوئی۔ کھیل کا مرکزی کردار ایسے نااہل حکمرانوں کی عکاسی پیش کرتا ہے جو اپنی عوام کے مسائل سے دور دور تک واقف نہیں۔ جی سی یو کے وائس چانسلر پروفیسر ڈاکٹر محمد خلیق الرحمن نے کھیل کے پہلے روز بطور مہمان خصوصی شرکت کی جبکہ یونیورسٹی آف ایجوکیشن کے وائس چانسلر پروفیسر ڈاکٹر فیض الحسن، نامور اداکار فردوس جمال اور نورالحسن بھی اس موقع پر موجود تھے۔