اداکار افضال احمد کی فنی خدمات کو خراج تحسین پیش کرنے کیلئے ”اعترافِ فن“ کی تقریب 10 اپریل کو ہو گی

لاہور (کلچرل رپورٹر) ایشین کلچرل ایسوسی ایشن آف پاکستان کے زیراہتمام فلم، ٹی وی، سٹیج کے لیونگ لیجنڈ اداکار افضال احمد کی فنی خدمات کو خراج تحسین پیش کرنے کیلئے ”اعترافِ فن“ کی تقریب 10 اپریل کو الحمرا ہال نمبرI لاہور میں شام 6 بجے منعقد کی جائے گی جس میں فلم، ٹی وی، سٹیج کے اداکار، تخلیق کار اور سول سوسائٹی کے افراد و شخصیات اداکار افضال احمد کی فنی خدمات پر اظہار خیال کریں گے۔ نامور اداکارائیں اور ماڈلز پرفارم کریں گی۔ میاں فرزند علی سرکس کے فنکاروں کی سپیشل آئٹمز بھی پیش کی جائیں گی۔ مہمان خصوصی میاں راشد فرزند علی چیف ایگزیکٹو میاں فرزند سرکس اور مرکزی سرپرست اعلیٰ ایشین کلچرل ایسوسی ایشن آف پاکستان ہوں گے۔ اس بات کا اعلان سید سہیل بخاری چیئرمین ایشین ایوارڈ نے کیا ہے۔