کراچی کی رنگ برنگی زندگی کو لوگ انجوائے کر رہے ہیں‘ نجم سیٹھی

کراچی (اسپورٹس رپورٹر) پاکستان کرکٹ بورڈ کے چیئرمین نجم سیٹھی نے کہا ہے کہ کراچی کی رن برنگی زندگی کو لوگ خوب انجوائے کر رہے ہیں۔ پی ایس ایل فائنل کے بعد اب لوگ کراچی کو ایک اور نظر سے دیکھ رہے ہیں۔ وہ پاک ویسٹ انڈیز ٹی20 سیریز کے سلسلے میں کراچی آمد کے بعد میڈیا سے گفتگو کر رہے تھے۔ پی سی بی کے سربراہ نے کہاکہ مہمان ٹیم کے تمام اسٹارز کھلاڑی پاکستان آ رہے ہیں جبکہ گرس گیل نے آئی پی ایل کی وجہ سے آرام کو ترجیح دی۔ انہوں نے کہاکہ قوم کی دعائوں سے پاکستان میں کرکٹ کی واپسی ہو رہی ہے۔ دہشت گردوں کی جانب سے دھمکیاں آتی رہتی ہیں‘ لیکن اس معاملے کو زیادہ سنجیدہ نہیں لیتے۔