کراچی (اسپورٹس  رپورٹر ) ایس ایس بی، ایس ٹی اے سندھ رینکنگ ٹینس چیمپئن شپ میں فرحان الطاف، آصف بچانی اور عباد سرور نے کوارٹر فائنل میں جگہ بنالی۔ مینز سنگلز کے دوسرے راؤنڈ میں فرحان الطاف نے سلمان طاہر کو کوئی گیم تک نہیں جیتنے دیا۔ حیدرآباد کے آصف بچانی نے اپنے ہی شہر کے اسد بچانی کو 6-3 اور 6-2 سے زیر کر دیا۔ انڈر 17 سنگلز کے سیمی فائنل میں ایم علی خٹک نے سلمان طاہر کو قابو کرکے فائنل میں کھیلنے کا اعزاز حاصل کرلیا۔ انڈر 15 سنگلز میں محمد علی خٹک نے علی حسن کو ہرایا۔ انڈر 13 سنگلز میں عبداللہ رزاق نے دھرف داس اور انڈر 11 سنگلز سیمی فائنل میں زید زمان نے راشد علی کو زیر کیا۔ مینز ڈبلز کے پہلے راؤنڈ میں عباد سرور حسین خان اور ایم علی نے علی حسن اور حاشر سہیل کو مات دے دی۔