راولپنڈی (سٹاف رپورٹر)راولپنڈی ویسٹ مینجمنٹ کمپنی اور میونسپل لیبر یونین (سی بی اے)میٹرو پولیٹن کارپوریشن کی طرف سے کل جمعہ یکم اپریل کو سلام سینیٹیشن ڈے کے موقع پر صفائی پر مامور فرنٹ لائن سولجرز اور گمنام ہیروز سینیٹری ورکرزکی خدمات کو خراج تحسین پیش کیا جائیگا،میٹرو پولیٹن کارپوریشن آفس میں سلام سینیٹیشن ڈے کے حوالے سے خصوصی تقریب میں ڈپٹی کمشنر راولپنڈی طاہر فاروق ،ایم ڈی راولپنڈی ویسٹ مینجمنٹ کمپنی اویس منظور تارڑ اور دیگر افسران سینیٹری ورکرز کو پھول اور تحائف پیش کرینگے،جبکہ میونسپل لیبر یونین (سی بی اے)میٹرو پولیٹن کارپوریشن کے صدر راجہ ہارون رشید،جنرل سیکر ٹر ی پادری شاہد رضا سمیت دیگر عہدیداران سینیٹری ورکرز کو سلیوٹ کرینگے،سلام سینیٹیشن ڈے کے حوا لے سے اپنے ورکرز کے نام ایک پیغام میں چیئرمین راولپنڈی ویسٹ مینجمنٹ کمپنی کرنل (ر)اجمل صابر راجہ اورایم ڈی راولپنڈی ویسٹ مینجمنٹ کمپنی اویس منظور تارڑ نے کہا ہے کہ سینیٹری ورکرز ہمارے فرنٹ لائن سولجرز ہیں،عالمی وبا کورونا ہو یا موزی ڈینگی کا مرض یا عید الاضحی پر آلائشیں اٹھانے کا مشکل ترین ٹاسک،ہمارے سینیٹری ورکرز ہر حال میں فرنٹ لائن پر ہوتے ہیں۔