مائیکروسافٹ اور ایچ ای سی کا پاکستان کے امیجن کپ 2022 کے فاتحین کا اعلان 

اسلام آباد (نا مہ نگار)مائیکروسافٹ اور ایچ ای سی نے پاکستان کے امیجن کپ 2022 کے فاتحین کا اعلان کر دیا ۔اس موقع پر وزیر اعظم کے خصوصی مشیر برائے امور نوجوانان عثمان ڈار نے ٹاپ 17 ٹیموں کو مبارکباد دیتے ہوئے امیجن کپ کے کامیاب انعقاد پر مائیکروسافٹ اور ایچ ای سی کی کوششوں کو بھی سراہا۔انہوں نے مائیکروسافٹ امیجن کپ کو کامیاب جوان پروگرام کیساتھ مربوط کرنے کے امکانات پر تبادلہ خیال کیا تاکہ ملک بھر کے طلبا کو بااختیار بنایا جا سکے۔اس موقع پر مائیکروسافٹ پاکستان کے کنٹری ایجوکیشن لیڈجبران جمشاد نے کہا کہ امیجن کپ 2022 مائیکروسافٹ کیلئے سب سے مقبول اقدام ہے۔اس موقع پر ایگزیکٹو ڈائریکٹر ایچ ای سی ڈاکٹر شائستہ سہیل نے کہا کہ ایچ ای سی اور مائیکروسافٹ تعلیمی شعبے میں تکنیک کو متعارف کرانے کیلئے مسلسل کو شاں ہیں ۔