بابر اعظم ون ڈے کے کامیاب بیٹسمین ، ان کیلئے بولنگ میں پلان کرنا پڑتا ہے: ایڈم زمپا

لاہور(یواین پی)آسٹریلوی لیگ اسپنر ایڈم زمپا کا کہنا ہے کہ پاکستان کرکٹ ٹیم کے کپتان بابر اعظم ون ڈے فارمیٹ کے گریٹ پلیئر ہیں، ان کو آئوٹ کرنا بہت اہم تھا، بھارت کے ویرات کوہلی بھی ایسے ہیں۔آن لائن پریس کانفرنس میں ایڈم زمپا نے کہا کہ بابر اعظم ون ڈے کے کامیاب بیٹسمین ہیں، ان کیلئے بولنگ میں پلان کرنا پڑتا ہے۔ایڈم زمپا کا کہنا تھا کہ پاکستان سائیڈ کی سب سے بڑی وکٹ حاصل کی، میچ سے قبل ہمارے 2 کھلاڑی ایشٹن اگر اور جوش انگلس کوویڈ کا شکار ہوئے تھے۔